Ver páxina:
VIDA E CULTURA NO CORAZÓN DA CIDADE
O casco histórico de Pontevedra abarca unha extensión de máis de 75.000 m2. Neles atopámonos con angostas e fermosas rúas, moitas delas asoportaladas, acolledoras prazas, antigas casonas, edificios declarados Monumento Histórico Nacional, igrexas, conventos, museos, artísticos cruceiros, fontes, xardíns, etc.
Nestas rúas e prazas podemos gozar todo o ano de numerosas actividades culturais e de lecer: exposicións, actividades infantís, representacións teatrais, concertos, espectáculos ó aire libre, feiras, mostras, etc. Entre estas actividades podemos destacar a Feira Franca, no mes de setembro; a feira de Outono ou Feira da Cabaza; a Feira de Artesanía, no mes de agosto; a Feira do Mel; Pontenadal; Feira da Semente e Feira da Verdura, durante todo ano, e o rastrillo de Antigüidades e Curiosidades, todos os domingos.
A diferencia de outros cascos históricos, prácticamente deshabitados, no de Pontevedra viven arrededor de unhas 2.500 persoas. Nos últimos anos fóronse rehabilitando inmobres e acondicionando locais, o que fai pensar que en pouco tempo estén prácticamente habitadas todas as vivendas do casco.
Esta parte da cidade está tamén considerada coma unha das maiores áreas comerciales abertas de todo o país. Nela atopamos comercios de todo tipo, xunto con un bo número de locais e restaurantes onde tomar unhas tapas ou disfrutar cun bo xantar.
Para rematar, hai que mencionar as visitas guiadas, con saída da Praza da Ferrería, e que xunto con un guía oficial de turismo, percorren tódolos días ás 11:00 e 18:00 horas, a excepción dos domingos e festivos, as rúas e prazas do casco histórico, coñecendo de paso un poco máis a historia da cidade.
